काठमाडौं, वैशाख ११ (नागरिक)- नेपाल आदिबासी जनजाति महासङ्घले धर्म निरपेक्ष समावेशी सङ्घीय लोकतान्त्रिक गणतन्त्र नेपालको संविधानमा आदिवासी जनजातिको अधिकार सुनिश्चित गर्नुपर्ने माग राख्दै संविधान सभाका अध्यक्षलाई ज्ञापनपत्र बुझाएको छ। ज्ञापनपत्रमा सङ्कटकाल लगाएर संविधान सभाको म्याद थप्न पाइँदैन भन्दै यस्तो सङ्कटकाल लगाउने षडयन्त्र बन्द गर्न पनि माग गरिएको छ। । महासङ्घले ऐतिहासिक जातीय पहिचानको आधारमा संविधान सभाबाट प्रस्तावित प्रदेशको सङ्ख्या घटाउन पाइँदैन भन्दै २०६९ जेठ १४ गतेभित्र आदिवासी जनजातिको अधिकार सुनिश्चित भएको संविधान जारी गर्न पनि माग गरिएको छ। साथै अपुरो, अधुरो, संक्षिप्त र राज्य पुनर्संरचनाविनाको संविधान मान्दैनौं पनि भनिएको छ।
नेपाली रुपैयाँ विनिमय
