युवराजको ठाउँमा चूडामणि

काठमाडाँै, जेठ ४– राष्ट्रिय खेलकुद परिषद् (राखेप) का नवनियुक्त सदस्य–सचिव चूडामणि पौडेलले आइतबार पदभार ग्रहण गरेका छन् ।

त्रिपुरेश्वरस्थित राखेपमा रहेको सदस्य–सचिवको कार्यकक्षमा पौडेलले आज पदबहाली गरेका हुन् । उनलाई युवाराज लामालाई हटाएर सदस्य–सचिवको जिम्मेवारी दिइएको थियो । पौडेल युवा तथा खेलकुद मन्त्रालयका सहसचिव हुन् ।

पदबहालीपछि राखेपद्वारा आयोजित स्वागत कार्यक्रमलाई सम्बोधन गर्दै सदस्य–सचिव पौडेलले अर्को व्यवस्था नहुन्जेलसम्म आफूले कार्य गर्ने बताए ।
उता लामा भने नियमविपरित हटाएको भन्दै सर्वोच्चमा पुगेका छन् ।