आकर्षक सुविधासहित होण्डा सिटी बजारमा

काठमाडौं । आकर्षक डिजाइन र थप सुविधासहित होण्डा सिटी कार नेपाली बजारमा भित्रिएको छ । होण्डाको नेपालका लागि आधिकारिक बिक्रेता स्याकार ट्रेडिङ कम्पनीले बिहीबार राजधानीमा होण्डा सिटीको चौथो जेनेरेशन सार्वजनिक गरेको छ ।

ज्योति समुहका अध्यक्ष पद्य ज्योति, होण्डा कार्स इन्डियाका प्रमुख बजार प्रबन्धक पिआर रामाकृष्णन्, स्याकार ट्रेडिङका अध्यक्ष सौरभ ज्योति र उपाध्यक्ष सुहि्रद ज्योतिले संयुक्त रुपमा होण्डा सिटी कार सार्वजनिक गरे ।
नयाँ होण्डा सिटीको नेपाली बजारमा सेवा सुविधाअनुसार ३४ लाख २५ हजार रुपैयाँदेखि ४७ लाख ५० हजार रुपैयाँसम्म पर्ने सौरभ ज्योतिले जानकारी दिए । भारतीय बजारमा बिक्री सुरु गरेको दुई महिनापछि नेपाली बजारमा पनि बिक्री सुरु गरिएको हो ।
यस कारमा चारैतिर उत्कृष्ट रुपमा बेरिएको पुच्छ्रे बत्तीहरु, मजबुत विङ फ्रेम, हावाको ग्रील, विद्युतीय छत, मोडिएको संकेत दिने सुविधायुक्त ओआरभिएम, पछाडी बस्नेका लागि वातानुकिलत सेवाहरु रहेका छन् ।
त्यसैगरि, नयाँ सिटीमा पछाडी हेर्न क्यामेरा, ठूलो स्पेश, आईफोन तथा एन्ड्रोइड मोबाइल सम्पर्क यन्त्र, हृयान्ड्स फि्र फोनको सुविधा, इञ्जिन चलाउने र बन्द गर्ने एउटै बटन, आकस्मिक अवस्थामा शिर र शरिरको अग्र भागलाई सुरक्षा दिलाउन एसआएस एयर ब्यागहरु रहेको कम्पनीले जनाएको छ ।सम्पूर्ण सुविधायुक्त नया होण्डा सिटी नेपाली ग्राहकहरुको खास रोजाईको कार हुने ज्योति समुहका अध्यक्ष पद्य ज्योतिले विश्वास व्यक्त गरे ।