डिआइडी लिट्टिल मास्टर्समा नेपाली नानी सर्वाधिक लोकप्रिय

काठमाडौं, जेठ ११ - भारतीय टेलिभिजन च्यानल जी टिभीको लोकप्रिय रियालिटी शो डान्स इण्डिया डान्स (डिआइडी) लिट्टिल मास्टरमा सहभागी नेपाली बालिका  टेरिया फौजा मगर सर्वाधिक लोकप्रिय बनेकी छन् ।

प्रतियोगिताको अडिसनमा दशौ हजारलाई पछि पार्दैैै नृत्य क्षमता देखाइरहेकी टेरियाले शीर्ष सातमा छानिने क्रममा प्रतिस्पर्धी मध्ये सबैभन्दा धेरै भोट पाएकी हुन् । सर्वाधिक भोटसंगै टेरियाले शीर्ष ७ मा पनि स्थान सुरक्षित गरेकी छन् ।

रुपन्देहीको रुद्रपुरकी टेरियालाई दर्शकले मात्र होइन निर्णायकले पनि राम्रो कमेन्ट गरिरहेका छन् ।

शनिवार हिल लगाएर सेमि क्लासिकल नृत्य गरेकी टेरियालाई निर्णायक गीता (जसलाई उनीहरु गीता माँ पनि भन्छन्) ले नृत्यमा झन् झन् निखार आइरहेको बताएकी छिन् । टेरियाले भाग लिएको कार्यक्रम हरेक शनिबार र आइतबार बेलुकी सवा ९ बजे जिटिभीबाट प्रसारण हुँदै आएको छ ।

टेरियालाई उनको नृत्य मन पराउनेले त भोट गर्ने नै भए । यसबाहेक नेपाल र विदेशमा रहेकाले पनि भोट उनलाई अनाईन भोटिङ्ग गर्न आवश्यक छ । नेपाली बालिका टेरियालाई अनलाईन भोटिङ्ग गर्न यहाँ क्लिक गर्नुहोला  ।