प्रचण्ड, शेरबहादुर र वैद्यले हेरे चलचित्र भीमदत्त

काठमाडौं, जुठ १५– डडेल्धुराका क्रान्तिकारी किसान नेता भिमदत्तको जीवनीमा आधारित चलचित्र ‘भिमदत्त’ को आज बिहीबार विशेष प्रर्दशनी सम्पन्न गरिएको छ । राजधानीस्थित कुमारी सिनेमा हलमा प्रदर्शन भएको सो चलचित्रमा विभिन्न पार्टीका नेताहरुको उपस्थित रहेको थियो । निर्माता नवल खड्काको विशेष आमन्त्रणमा एमाओवादीका अध्यक्ष पुष्पकमल दाहाल ‘प्रचण्ड’, नेकपा माओवादीका अध्यक्ष मोहन वैद्य ‘किरण’, एकीकृत नेकपा माओवादीका उपाध्यक्ष नारायणकाजी श्रेष्ठ ‘प्रकाश’, अग्नि सापकोटा, कृष्ण बहादुर महरा, वर्षमान पुन पासाङ, राम कार्की, एमाले नेता भिम रावल, नेपाली कांग्रेसका बरिष्ठ नेता शेर बहादुर देउवा, मालेका सिपी मैनाली लगायतका नेताहरुको उपस्थित रहेको थियो । लभगभ पाँच सय दर्शक रहेको हलमा नेताहरुले भरिएका थिए । यो प्रर्दशनीको अवसरमा नेताहरुको सामुहिक उपस्थितिका साथ बसेर चलचित्र हेरेको नेपाली चलचित्रको इतिहासमा पहिलो रहेको अनुमान समेत गरिएको छ ।
चलचित्रको समाप्ति पछिको छोटो प्रतिक्रियामा एमाओवादी अध्यक्ष प्रचण्डको छोटो प्रतिक्रिया स्वरुपको भनाइ थियो ‘चलचित्र राम्रो बन्न सकेको छ । पुरानो राजनितिक र नयाँ राजनितिक आन्दोलनको राम्रो ढंगले समायोजन गर्न चलचित्र सफल रहेको छ । चलचित्रको अन्त्य सँगै देशको क्रान्ति जारी छ भन्ने अभिव्यक्ति समसामायिक राजनितिमा वहसको विषय बन्न सक्दछ ।’ त्यसैगरी वैद्यको प्रतिक्रिया थियो, ‘चलचित्र राम्रो छ चलचित्रमा क्रान्ति जारी छ भनेर नेता तथा जनताहरुलाई झक्झकाउने प्रयास पनि चलचत्रिले गरेको छ । ‘सहिद भिमदत्तकै जिल्लाका काँग्रेस नेता शेरबहादुर देउवाले पनि चलचत्रि राम्रो बन्न सकेको छ भन्ने प्रतिक्रिया व्यक्त गरेका छन् ।
बिशेष प्रर्दशनी कार्यक्रममा निर्माता नवल खड्काको अध्यक्षता तथा एमाओवादी अध्यक्ष प्रचण्डलाई प्रमुख अतिथिको रुपमा आमन्त्रण गरिएको थियो । चलचित्रका निर्देशक हिम ग्याप लामा टाँसीले अतिथीहरुलाई स्वागत गरेका थिए । साथै निर्देशक टाँसीले चलचित्र भिमदत्त र आजको सान्र्दभिक राजनीति परिस्थितिको विषयमा समेत प्रकाश पारेका थिए ।
प्रर्दशन कार्यक्रममा राजधानीका दैनिक मिडियाका संचारकर्मी सहित चलचित्र पत्रकार संघका अध्यक्ष शान्ति प्रिय, कलाकारहरु निशा अधिकारी, सुमिना घिमिरे, कमली वाइवा, कविता शर्मा लगायतका उपस्थिती रहेको थियो ।