बस दुर्घटनामा एक्काइस जना घाइते

अत्यधिक गतिमा गुडेको गाडी एकआपसमा ठोक्किँदा भएको दुर्घटनामा २१ जना घाइते भएका छन्। उनीहरूमध्ये पाँचजनाको अवस्था गम्भीर रहेकाले काठमाडौंको बागेश्वरी अस्पताल र बी एन्ड बी अस्पतालमा उपचार भइरहेको प्रहरीले जानकारी दिएको छ।
गम्भीर घाइते हुनेमा मकवानपुरका रुपेश तामाङ, भैरहवाका वैद्यनाथ गुप्ता, गाडी चालक बुटवलका यज्ञ सापकोटा, कृष्णकुमार दुबे र नवलपरासीका राजु तिवारी रहेका छन्।
यसैगरी ट्रक चालक विश्वनाथ चमार पनि गम्भीर घाइते भएका छन्। दुर्घटनाका घाइतेहरूको स्थानीय गल्छी अस्पताल, गजुरी अस्पतालमा पनि उपचार भइरहेको छ। दुर्घटनापछि स्थानीय सशस्त्र प्रहरी र स्थानीयले घाइतेहरूको प्राथमिक उपचार गरी उद्धार गरेको थियो।