बस पल्टिँदा नौ यात्रु घाइते

२७ जेठ, काठमाडौं ।

सरकारी अड्डाहरु रहेको सिंहदरबारको पश्चिमढोका नजिक बुधवार यात्रु बस पल्टिएको छ । भद्रकाली–सिंहदरबार सडकमा बस पल्टिँदा दुई बालबालिका सहित दश जना यात्रु घाइते भएका छन् ।

काठमाडौँ पुनारो बसपार्कबाट बनेपा–धुलिखेलका लागि छुटेको बा१ख ६७३९ नं को बस अपरान्ह सिंहदरबार पश्चिम ढोका अगाडि सडक किनारमा पल्टिएको हो ।
घाइतेहरुको वीर अस्पतालमा उपचार भइरहेको छ ।

घाइते सबै यात्रु सामान्य अवस्थामा छन् । घाइते मध्येपनि ३ जना सामान्य उपचार पछि ४ बजे घर फर्केका छन् ।

प्रहरीले बसका चालक र सहचालकलाई नियन्त्रणमा लिएको छ । चालकले बसको ब्रेक फेल भएको भन्दै बचाउन खोज्दा दुर्घटना भएको प्रारम्भिक बयान प्रहरीलाई दिएका छन् ।