भरतपुर महानगर समितिको सभापतिमा युवा नेता बचन कार्की बलियो दाबेदार

उनले हरेक भाषणमा भन्ने गर्छन; "महामानव बिपि र लोहा पुरुष गणेशमानले युवा अवस्था रहँदा हाकेको नेपाली काङ्ग्रेसमा अहिले युवालाई पाखा लगाँउदा धेैरे मन दुखेर आँऊछ। नेपालमा अहिले वृद्ध मतदाता भन्दा युवा मतदाताहरु धेरै थपिएकाले युवाहरुको प्रतिनिधित्व युवाले नै गर्नु पर्छ। युवाहरुलाई चार तारे झन्डामा आकर्षित गर्न नँया प्रविधि र नँया योजनाहरु प्रयोग गर्नुपर्छ। अहिलेको युगमा जनताले नेतालाई होइन नेताले हरेक जनतालाई चिन्नुपर्छ, सम्बन्ध र विचारको आदान प्रदान सधैभरी दोहोरो रुपले हुनुपर्छ। साथसाथै नेपाली काङ्ग्रेसलाई अहिले सम्म जिउँदो बनाएर युवामाझ प्रस्तुत गराएका हाम्रा अग्रज नेतागणहरुलाई पनि हामिले सधै भरी आदार सम्मान कृतज्ञता दिईरहनुपर्छ। उनिहरुको योगदानको कदर गर्दै उनिहरुलाई हाम्रो गृह जिल्लाबाट केन्द्रीय सदस्यको लागि मिलेर पहल गर्नुपर्छ। उनिहरुलाई नीति निर्माणको जिम्मा लगाएर गाउँ,वार्ड,नगर,क्षेत्र र प्रदेशको बाघडोर होनाहार युवालाई सुम्पिदा नै नेपाली काङ्ग्रेसको संस्थापक महामानव बिपि कोइरालाको सपना पूरा हुन्छ।"