२२ असार,काठमाडौ। काठमाडौको नयाँ बानेश्वरमा फ्लाईओभर बन्ने भएको छ । काठमाडौमा अन्य ठाँउहरुमा फ्लाइओभरको सम्भाव्यता अध्ययन जारी रहेको छ भने नयाँ बानेश्वरमा भने फ्लाईओभर बन्ने पक्कापक्की नै भएको हो । बंगलादेशमा फ्लाईओभर बनाउने इन्जिनियरहरुलाई समेत संलग्न गराएर सोइल टेष्ट र अभियान नामक दुई नेपाली कन्सलट्यान्ट कम्पनीले नयाँ बानेश्वरको अध्ययन पूरा गरेका हुन् ।
उनीहरुले शुक्रबार अन्तिम डिजाईन बुझाउने भौतिक योजना तथा निर्माण मन्त्रालयको पुल विभागले जनाएको छ । सो फ्लाई ओभरको अध्ययनका लागि सरकारले एक करेाड ५० लाख रुपैयाँ खर्च गरेको थियो । एक बर्षको अध्ययन पछि कन्सलट्यान्टहरुले अन्तिम डिजाईन तयार पारेका हुन् । फ्लाइओभरमाथि चार लेनको सडक बन्ने छ भने फ्लाई ओभर बनेपछि ट्राफिका जाममा उल्लेखनिय सुधार आउने अपेक्षा गरिएको छ।