भारत लैजाँदै गरेको अवैध ५ किलो सुनसहित भारतीय नागरिक पक्राउ

सिरहा, असार ८ – भारततर्फ लैजाँदै गरेको अवस्थामा प्रहरीले सिरहाबाट ५ किलो सुनसहित एक भारतीय नागरिकलाई पक्राउ गरेको छ ।

इनरुवाबाट सुनसँगै आठ सय ग्राम चाँदीसहित भारतका प्रमोद ठाकुरलाई पक्राउ गरेको जिल्ला प्रहरी कार्यालय सिरहाका प्रमुख एसपी पूर्णचन्द्र जोशीले जानकारी दिनुभयो । ठाकुर बीएचआर ७ जे २७१३ नम्बरको मोटरसाइकलमा भारततिर जाँदै थिए ।