निजी घोडा, आइप्याड, ब्राण्डेड लत्ताकपडा तथा ह्याण्डव्याग । हजूर, यहाँ कुनै ठूलो सेलिब्रेटीको कुरा गरिएको छैन एक १२ वर्षकी फुच्चीको कुरा हुँदैछ । उनका बुवाआमाले किनिदिएका सामान कुरा । बेलायतकी यी बालिका चेज मेकेन्नाले सानो उमेरमै दुनियाका तमाम महंगा सामान आफ्नो बनाउन पाइसकेकी छिन् ।
गूची, राल्फ तथा जूसी जस्ता महंगा ब्राण्डस् उनको रोजाइका ब्राण्ड हुन् । चेज मात्र होइन उनका भाइ बहिनीलाई समेत आफुलाई चाहिएकेा कुरा बाउआमालाई एक चोटी भने पुग्छ, बाउआमाले हातमै ल्याइदिन्छन् ।
बेक्सले मा आफ्ना बुवाआमा तथा भाइबहिनीसँग बस्दै आएकी चेजलाई कुनै साधारण पसलमा गएर सपिङ गर्न मन पर्दैन । अहिलेसम्म खुद्रा पसलबाट उनले कुनै सामान किनेकै छैनिन् ।
महंगो शौख तथा खर्चिलो लाइफस्टाइल बिताइरहेकी चेज तथा उनका दुइ भाइबहिनीको जिवनकथालाई बेलायतको एक टेलिभिजनले पर्दामा समेत उतार्दैछ । च्यानल फाइभले ती महंगी बच्ची र उनका भाइ बहिनीबारे एक वृत्तचित्र पनि बनाउँदैछ ।
चेजका महंगा सामानको सुरक्षा तथा उनको स्याहारमा मात्रै उनका बुवाआमाले वर्षमा लाखौँ रुपैयाँ खर्च गर्नुपरिरहेको छ ।
छोराछोरी बढि खर्चालु बन्न थालेपछि आमाबुवाको टाउको दुखाइ हुन्छ र पैसा पूराउनै गाह्रो हुन्छ । तर चेजकी आमा भने छोरीको खर्चालु स्वभावका कारण खुसी छिन् । आफु सानोमा जस्तो बन्न चाहन्थिन् अहिले छोरी उस्तै बनेपछि आमा केली खुसी छिन् । तर कहिलेकाहीँ छोराछोरीहरुलाई उनीहरुले भनेका कुरा जुटाइदिनको लागि केही कठीनाई भने झेल्नुपरेको उनको भनाइ छ । चेजलाई पकेट खर्चकै रुपमा हप्तामै झण्डै ५० लाख रुपैयाँ जति लाग्छ ।
नेपाली रुपैयाँ विनिमय
