मकवानपुर असार,
मकवानपुरमा प्रहरीले गैंंडाको खागसहित आज ४ जनालाई पक्राउ गरेको छ । प्रहरीले खागसहित बारा रतनपुर–४ का ३० बर्षिय इन्द्रबहादुर लामा, मकवानपुर बसामाडि–२ का २१ बर्षिय राजिन लामा, भैस–६ का १७ बर्षिय सिताराम लामा र धादिङ किरानचोक–८ का २७ बर्षिय किशोर बख्रेललाई पक्राउ गरेको हो ।केन्द्रिय अनुसन्धान व्युरो र जिल्ला प्रहरी कार्यालय मकवानपुरको संयुक्त टोलीले हेटौडा–२ मानसचोकबाट दुर्लभ बन्यजन्तु गैडाको खागसहित पक्राउ गरेको मकवानपुरका प्रहरी उपरीक्षक गणेबहादुर ऐरको भनाई छ । उनीहरुलाई सिआईविका प्रहरी निरीक्षक भोला भट्टसहितको ७ जनाको टोलीले मानसचोकस्थित होटल न्यू लोकप्रिय साई निलयमको कोठा नम्बर ४०५ मा मोलमोलाई गरिरहेको अवस्थामा पक्राउ गरेको प्रहरीको भनाई छ । उनीहरुलाई जिल्ला वन कार्यालय मकवानपुरमा बुझाईएको छ ।यसैगरी, प्रहरीले रातोमाटे चेकपोष्टमा चेकजाँच गर्ने क्रममा तीन किलो गाँजासहित भारत मोतिहारीका ४५ बर्षिय सुरेश रामलाई पक्राउ गरेको छ । पथलैयातर्फ जाँदै गरेको ना५ख १५०५ बसमा सवार रामले कपडाको भोटो बनाई शरिरमा लुकाएको अवस्थामा गाँजा बरामद गरेको प्रहरीको भनाई छ ।
नेपाली रुपैयाँ विनिमय
