२७ जेठ, काठमाडौं । अख्तियार दुरुपयोग अनुसन्धान आयोगका प्रमुख आयुक्त लोकमानसिंह कार्कीले राजनीतिक नेतालाई पनि प्रमाण भेटिए कारवाही गर्ने मन्यव्य दिएको भोलिपल्टै एमाओवादीका पोलिटब्यूरो सदस्य एवं लिम्बुवान इञ्चार्जमाथि करोडौं भ्रष्टाचारको अभियोगमा अख्तियारले मुद्दा चलाएको छ ।
क्रिकेट संघका अध्यक्ष रहेका आङबुहाङसहितका क्यानका पदाधिकारीमाथि अख्तियारले भ्रष्टाचारको अभियोगमा मुद्दा चलाएको हो । एमाओवादी नेतासमेत रहेका आङबुहाङले १ करोड ४२ लाख २६ हजार ४ सय ३० रुपौयाँ बराबरको भ्रष्टाचारको अभियोग लगाइएको छ । आङबुहाङ भ्रष्टाचारको अभियोगमा अख्तियारबाट मुद्दा चलाइएका पहिलो उच्च स्तरका एमाओवादी नेता हुन् । यसअघि माओवादीका केन्द्रीय स्तरका नेता अख्तियारको कारवाहीमा परेका थिएनन् ।
आङबुहाङ भर्खरै एमाओवादीको केन्द्रीय सदस्यबाट पोलिटब्यूरोमा बढुवा भएका हुन् । पोलिटब्यूरो सदस्य बनेपछि एमाओवादीले उनलाई लिम्बुवानको ईञ्चाजसमेत बनाएको छ ।
कहिलेसम्म रहलान् लिम्बुवान इञ्चार्ज ?
कम्युनिस्टहरुले भन्ने गरेको बुर्जुवा दलमा पनि कुनै नेतामाथि गम्भीर आरोप लागेपछि पदबाट नैतिकताका आधारमा हट्ने या पार्टीले निलम्बन गर्ने प्रचलन रहेको हुन्छ । अख्तियारमा मुद्दा परिसकेपछि एमाओवादीको पोलिटब्यूरो सदस्य एवं लिम्बुवानको पार्टी इञ्चार्ज भएर कार्य गर्न आङबुहाङलाई अप्ठ्यारो परेको छ ।
विगतका अख्तियारको मुद्दा लागेका कांग्रेसका केन्द्रीय सदस्य खुमबहादुर खड्काले पदबाट राजीनामा दिएका थिएनन् । कांग्रेसले उनलाई पार्टीबाट निलम्बन पनि गरेन । यद्यपि कांग्रेस नेता शोभाकर पराजुली लगायतले खुमबहादुरलाई नैतिकताका आधारमा निलम्बन गर्नुपर्ने आवाज उठाएका थिए । एमाओवादी नेता आङबुहाङले एमाओवादीको नेतृत्वबाट आफैं राजीनामा दिन्छन् या पार्टीले पदबाट निलम्बन गर्छ, त्यो भने अझैसम्म स्पष्ट हुन सकेको छैन । मुद्दा लागेपछि आङबुहाङको पार्टी जिम्मेवारी के हुन्छ भन्नेबारे बुझ्न फोन गर्दा आङबुहाङ र एमाओवादी प्रवक्ता दीनानाथ शर्मा दुबैको टेलीफोनको स्वीच अफ गरिएको थियो ।
एमाओवादी स्रोतका अनुसार टंक एमाओवादीमा सोझा नेता मान्छिन् । तर, पार्टीमा रहँदा पकेट डायरीमा खर्च लेखेका भरमा चल्ने गरेको ल्याङफ्याङे बानी र फजुलखर्ची चरित्रका कारण क्यानमा उनी आर्थिक हिनामिनामा मुछिएको एमाओवादी नेताहरु बताउँछन् । तर, भ्रष्टाचारमा मुछिइसकेपछि उनले पार्टीको नेतृत्व तहबाट आफैं नैतिकताका आधारमा राजीनामा दिनुपर्ने या त्यसो नगरे पार्टीले छानविन पूरा नहुञ्जेलका लागि निलम्बन गर्नुपर्ने अर्का एक केन्द्रीय सदस्यले ilikechitwan.blogspot.com लाई जानकारी दिनु भयो।
नेपाली रुपैयाँ विनिमय
