सलमान खानलाई श्रद्धा र सिद्धार्थको बक्स अफिस टक्कर

बलिउडमा बक्स अफिस किङको उपाधी पाएका सलमान खानलाई नयाँ हिरोहरुले समेत टक्कर दिन थालेका छन् । यो बर्ष उनले अभिनय गरेको चलचित्र ‘जय हो’ले ४ हजार पर्दाबाट पहिलो दिन १७.१२ करोडको व्यापार गरेको थियो ।

तर करिब १५ सय पर्दा कम भएको चलचित्र ‘एक भिलेन’ले शुक्रबार १६.७२ करोडको व्यापार गरेको छ । करिब २५३९ पर्दाबाट १६.७२ करोड कमाएको हो । एकता कपुरको निर्माणमा मोहित सुरीले निर्देशन गरेको चलचित्रमा सिद्धार्थ मल्होत्रा, श्रद्धा कपुर, रितेश देशमुख लगायतका कलाकारको अभिनय छ ।

चलचित्रको सुखद बक्स अफिस कलेक्शनले सिद्धार्थ र श्रद्धालाई ठूलै फाइदा पुगेको छ । यसैबिच नेपालमा पनि यो चलचित्रको ओपनिङ सुखद छ । पहिलो दिन चलचित्रले ६० लाख ग्रस कलेक्शन गरेको छ ।