काठमाडौं, २१ कात्तिक । नेपाली चलचित्र निर्देशक आलोक नेम्वाङले आफ्नै अपार्टमेन्टमा आत्महत्या गरेका छन् । प्रहरीले बिहीबार बेलुकी ८ बजे आफ्नै अपार्टमेन्टको तल्लो तलाको भर्याङमा झुन्डिएको अवस्थामा उनको शव फेला पारेको हो ।
उनको आत्महत्याको कारण भने खुल्न सकेको छैन । उनको निवासबाट प्रहरीले सुसाइड नोट फेला पारेको छ । यसमा के लेखिएको छ भन्नेबारे प्रहरीले खुलाएको छैन । परिवारले पनि यस विषयमा कुनै जानकारी दिएको छैन । निर्देशक नेवाङको निधनको खबर थाहा पाएलगतै उनको अपार्टमेन्टमा कलाकारहरु पुगेका थिए ।
नेपाली म्यूजिक भिडियोको दुनियाँमा आलोक थोरै गनिने निर्देशकको सूचीमा पर्छन् । विशेषगरि भिडियोमा रंगलाई महत्त्व दिने आलोकले पहिलोपटक नेपाली चलचित्र ‘सानो संसार’ निर्देशन गरेका थिए । सानो संसारपछि उनले ‘कोही मेरो’ चलचित्र निर्देशन गरे । आलोकले निर्देशन गरेको पछिल्लो चलचित्र ‘अझै पनि’ प्रदर्शनको तयारीमा छ । आलोकले सात सयभन्दा बढी म्यूजिक भिडियो निर्देशन गरेका छन् ।
नेपाली रुपैयाँ विनिमय
