डडेलधुरा, मंसिर १७ - कांग्रेस बरिष्ठ नता शेरबहादुर देउवाले माओवादीलाई अझै विश्वास गर्न नसकिने बताएका छन् । हिंसात्मक गतिविधि छाडिनसकेकाले विश्वास गर्ने आधार माओवादीसँग नभएको उनको तर्क थियो ।
माओबादीले २०५९ सालमा घाँटी रेटेर हत्या गरेका शिक्षक चक्रबहादुर बिष्टको प्रतिमाको शनिबार शिलान्यास गर्दै देउवाले द्वन्द्वका कारण कुनै एक पक्षले मात्र नभई सवै राजनैतिक शक्तिहरुले मूल्य चुकाउनु पर्ने बताए । द्वन्द्वले कुनै एक पक्षको मात्र क्षति भएको नसम्झी पुरै मुलुक त्यो क्षतिबाट पीडित रहेकाले सबैलाई सामाजिक सद्भाव कायम गर्न उनले आग्रह गरे ।
द्वन्द्वका बेला सबैभन्दा बढी कांग्रेस कार्यकर्ता र समर्थक मारिएको देउवाको भनाइ थियो । उनले पीडितलाई क्षतिपूर्ति दिलाउन कांग्रेसले पहल गरिरहने प्रतिबद्धता जनाए ।
नेपाली रुपैयाँ विनिमय
