घानालाई हराएपनि पोर्चुगल अघि बढ्न सकेन

काठमाडौं, असार १३ - विश्वकप फुटबलमा समूह चरणमा आफ्नो अन्तिम खेलमा घानालाई २ –१ ले हराए पनि पोर्चुगल गोलअन्तरका आधारमा पोर्चुगल अन्तिम १६ मा पुग्न सकेन ।

आत्मघाती गोलमा अग्रता लिएको खेलमा जिताउन रोनाल्डोले विजयी गरेपनि पोर्चुगललाई घर फर्कनबाट रोक्न त्यो पर्याप्त भएन ।

आफ्नो पहिलो खेलमा जर्मनीसँगको खेलमा चार गोल खाएर फर्काउन नसक्नुै नै उसका लागि घर फर्कने बाटो बन्यो ।

३० औं मिनेटमा आत्मघाती गोलमा अग्रतालिएको खेलको ८० औ मिनेटमा कप्तान क्रिस्टियानो रोनाल्डोले विजयी गोल गरेका थिए । घानाका लागि आशमोह ज्ञानले गोल फर्काएका थिए । समान चार अंक भएपनि पोर्चुगल गोल अन्तरका आधारमा अमेरिकासँग पछि परेर आउट भयो । अमेरिका भने अन्तिम १६ मा पुग्यो ।

ब्राजिलविरुद्ध चिली : शनिबार राती पौने १० बजे
कोलम्बियाविरुद्ध उरुग्वे : शनिबार राती पौने २ बजे
नेदरल्याण्ड्सविरुद्ध मेक्सिको : आइतबार राती पौने १० बजे
कोष्टारिकाविरुद्ध ग्रीस : आइतबार राती पौने २ बजे
फ्रान्सविरुद्ध नाइजेरिया : सोमबार राती पौने १० बजे
जर्मनीविरुद्ध अल्जेरिया : सोमबार राती पौने २ बजे
अर्जेन्टिनाविरुद्ध स्वीट्जरल्याण्ड : मंगलबार राती पौने १० बजे
बेल्जियमविरुद्ध अमेरिका : मंगलबार राती राती पौने १० बजे

अष्ट्रेलिया, बोस्निया हर्जगोभिना, क्यामरुन, क्रोएशिया, इक्वेडर, इंग्ल्याण्ड, घाना, होन्डुरस, इरान, इटाली, आइभरीकोष्ट, जापान, स्पेन, पोर्चुगल, रसिया र दक्षिण कोरिया