चितवन, कार्तिक २२,
सामान्यतया खाजा पसलमा गएर भोक लागेको बेला खाजा खाएर टन्न भइन्छ । तर चितवनको एक खाजा पसलमा भने खाजा खाएर पेटको भोक होइन, यौनको प्यास मेट्न पाइदो रहेछ ।
खाजा खुवाउने पसलमा यौन क्रियाकलाप गरेको आरोपमा चितवन प्रहरीले दुई पुरुषसहित ८ जनालाई नियन्त्रणमा लिएको छ । शुक्रबार साँझ भरतपुरका दुई खाजा पसलबाट उनीहरुलाई नियन्त्रणमा लिइएको चितवन जिल्ला प्रहरी कार्यालयका प्रवक्ता प्रहरी नायब उपरीक्षक (डिएसपी) शान्तिराज कोइरलालले जानकारी दिनुभयो ।
प्रहरीले भरतपुर नगरपालिका वडा नं. ९ स्थित केन्द्रीय बसपार्कमा रहेको कालिगण्डकी खाजा घरबाट ३६ वर्षकी एक महिला १८ वर्षका दुई युवतीसहित २६ वर्षको एकजना युवकलाई नियन्त्रणमा लिएको छ । सो खाजा घरका साहूले केश मिलाउनप¥यो भन्दै प्रहरीलाई पाँच हजार रुपैयाँ घूस दिन लागेको पनि प्रहरीको भनाइ छ ।
त्यस्तै भरतपुर नगरपालिका वडा नं. १० हाकिमचोकमा रहेको प्रियंका खाजा घरबाट प्रहरीले देहव्यपारमा संलग्न भएको आरोपमा थप चारजनालाई पक्राउ गरेको छ । प्रहरीले ३५ वर्षकी एकजना महिला २३ र २४ वर्षका दुई युवती तथा ३५ वर्षका पुरुषलाई पक्राउ गरेको हो । पक्राउ परेकाहरुलाई कारवाही गर्न आवश्यक अनुशन्धान भइरहेको डिएसपी कोइरालाले जानकारी दिनुभयो ।
नेपाली रुपैयाँ विनिमय
