गैंडाकोट । पहिलो पटक मौलाकालिका मन्दिर दर्शन गर्न बुधबार बिहान गैंडाकोट आएका अर्थमन्त्री रामशरण महत त्यहाँको वातावरण देखेर धेरै नै मोहित भए । ‘आहा ! डाँडामा यस्तो राम्रो मन्दिर, कस्तो राम्रो वातावरण । नारायणगढजस्तो ठूलो सहरसँग जोडिएको क्षेत्र । यहाँ त केबलकार चलाउनुहोस् दर्शन गर्ने प्रशस्तै आउँछन्’ मन्त्री महतले भने, ‘यस्तो ठाउँको प्रचारप्रसार भएमा पर्यटकको चाप अवश्य बढ्छ । केबलकार सञ्चालन गरेर सुविधा दिनु धेरै राम्रो हुन्छ ।’ प्रसिद्ध धार्मिक स्थल देवघाटधामको नजिकै पनि छ मौलाकालिका मन्दिर । त्यसैले यो ठाउँको सम्भावना धेरै राम्रो रहेको अर्थमन्त्री महतले बताए । ‘यस्तो ठाउँको विकासका लागि सरकारले पनि सहयोग गर्छ । तपाइँहरु प्रक्रिया पूरा गरेर बेलैमा मन्त्रालयमा आउनु होला । म अर्थमन्त्री भए पनि नभए पनि यो ठाउँको विकासमा सघाउने छु’ महतको प्रतिबद्धता थियो । मौलाकालिका धार्मिक सेवा समितिका उपाध्यक्ष बेदप्रसाद गौडेलका अनुसार गत वर्षको मंसिर २० गते सम्पन्न समितिको ३४ औं वार्षिक साधरण सभाले मौलाकालिकाको मन्दिरको फेदीदेखि केबलकार चलाउने निर्णय गरेको थियो । त्यस्तै मौलाकालिका मन्दिरदेखि देवघाटधामसम्म पनि केबलकार चलाउने समितिको योजना रहेको उनले बताए । मौलाकालिका मन्दिर रहेको जंगलको फेदीदेखि मन्दिरसम्मको दुरी २३ सय मिटर छ । त्यस्तै मौलाकालिकादेखि देवघाटधामसम्म लगभग त्यति नै छ । साधरणसभाको निर्णयपछि सचिव शालिकराम सापकोटाको संयोजकत्वमा ९ सदस्यीय कार्यदल बनेर केबलकार सञ्चालनका विषयमा अध्ययन सुरू गरेको छ । ‘हामीले तीनवटा कम्पनीसँग केबलकार सञ्चालनका विषयमा कुरा गरेका छौं । कसैसँग पनि अन्तिम निर्णय भएको छैन । कुनै कम्पनीमात्रैले एक्लै केबलकार चलाउनेभन्दा पनि मन्दिर र कम्पनीको साझेदारी रहने गरेर यहाँ केबलकार चलाउन खोजेको हो’ कार्यदलका संयोजक सापकोटाले भने । केबलकारका लागि ४० करोडभन्दा माथि बजेट लाग्ने अनुमान रहेको उनले बताए । सुरूमा सामान्य अवस्थाको मन्दिरलाई भव्य बनाउन प्रहरीको सहयोग पनि अतुलनीय रहेको धार्मिक सेवा समितिका अधिकारीहरु बताउँछन् । मध्यक्षेत्र प्रहरी तालिम केन्द्रका समादेशक रहेका बेलामा तत्कालीन प्रहरी उपरीक्षक हाल अवकाश प्राप्त डिआईजी ज्ञानेन्द्रविक्रम महतले मन्दिर निर्माण र सिँढी बनाउन ठूलो सहयोग गरेको समितिका पूर्वअध्यक्ष मानबहादुर सापकोटाले बताए । नारायणगढ बजारदेखि चार किलो मिटर टाढा रहेको मन्दिर समुन्द्र सतहदेखि ५६१ मिटरको पहाडी वनको चुचुरोमा रहेको छ । मन्दिर जान २ किलोमिटर उकालो हिँड्नुपर्छ । सिँढी बनाएर बाटो व्यवस्थित बनाए पनि उकालो चढ्न लगभग एक घण्टा लाग्छ । झण्डै ५०० वर्षअघि पाल्पाली राजा मणिमुकुन्द सेनले सैनिक टुकडी राखेर मौलो गाडेर सो ठाउँमा पूजा गरेको विश्वास छ । स्थानीयले विस २०३२ सालमा सामान्य मन्दिर बनाएर पुजा सुरू गरेका थिए । अहिले सो क्षेत्रमा भव्य मन्दिर र व्यवस्थित संरचनाहरु भएकाले धार्मिक पर्यटन विस्तार हुने सम्भावना प्रवल छ । क्याप्सन ः मौलाकालिका मन्दिरको अवलोकन गरी फर्कदै अर्थमन्त्री महत । - See more at: http://echitwanpost.com/chitwan/28058/09_24/#sthash.Gfz0qc9e.dpufअर्थमन्त्रीले भने–‘मौलाकालिकामा केबलकार चलाउनू’
गैंडाकोट । पहिलो पटक मौलाकालिका मन्दिर दर्शन गर्न बुधबार बिहान गैंडाकोट आएका अर्थमन्त्री रामशरण महत त्यहाँको वातावरण देखेर धेरै नै मोहित भए । ‘आहा ! डाँडामा यस्तो राम्रो मन्दिर, कस्तो राम्रो वातावरण । नारायणगढजस्तो ठूलो सहरसँग जोडिएको क्षेत्र । यहाँ त केबलकार चलाउनुहोस् दर्शन गर्ने प्रशस्तै आउँछन्’ मन्त्री महतले भने, ‘यस्तो ठाउँको प्रचारप्रसार भएमा पर्यटकको चाप अवश्य बढ्छ । केबलकार सञ्चालन गरेर सुविधा दिनु धेरै राम्रो हुन्छ ।’ प्रसिद्ध धार्मिक स्थल देवघाटधामको नजिकै पनि छ मौलाकालिका मन्दिर । त्यसैले यो ठाउँको सम्भावना धेरै राम्रो रहेको अर्थमन्त्री महतले बताए । ‘यस्तो ठाउँको विकासका लागि सरकारले पनि सहयोग गर्छ । तपाइँहरु प्रक्रिया पूरा गरेर बेलैमा मन्त्रालयमा आउनु होला । म अर्थमन्त्री भए पनि नभए पनि यो ठाउँको विकासमा सघाउने छु’ महतको प्रतिबद्धता थियो । मौलाकालिका धार्मिक सेवा समितिका उपाध्यक्ष बेदप्रसाद गौडेलका अनुसार गत वर्षको मंसिर २० गते सम्पन्न समितिको ३४ औं वार्षिक साधरण सभाले मौलाकालिकाको मन्दिरको फेदीदेखि केबलकार चलाउने निर्णय गरेको थियो । त्यस्तै मौलाकालिका मन्दिरदेखि देवघाटधामसम्म पनि केबलकार चलाउने समितिको योजना रहेको उनले बताए । मौलाकालिका मन्दिर रहेको जंगलको फेदीदेखि मन्दिरसम्मको दुरी २३ सय मिटर छ । त्यस्तै मौलाकालिकादेखि देवघाटधामसम्म लगभग त्यति नै छ । साधरणसभाको निर्णयपछि सचिव शालिकराम सापकोटाको संयोजकत्वमा ९ सदस्यीय कार्यदल बनेर केबलकार सञ्चालनका विषयमा अध्ययन सुरू गरेको छ । ‘हामीले तीनवटा कम्पनीसँग केबलकार सञ्चालनका विषयमा कुरा गरेका छौं । कसैसँग पनि अन्तिम निर्णय भएको छैन । कुनै कम्पनीमात्रैले एक्लै केबलकार चलाउनेभन्दा पनि मन्दिर र कम्पनीको साझेदारी रहने गरेर यहाँ केबलकार चलाउन खोजेको हो’ कार्यदलका संयोजक सापकोटाले भने । केबलकारका लागि ४० करोडभन्दा माथि बजेट लाग्ने अनुमान रहेको उनले बताए । सुरूमा सामान्य अवस्थाको मन्दिरलाई भव्य बनाउन प्रहरीको सहयोग पनि अतुलनीय रहेको धार्मिक सेवा समितिका अधिकारीहरु बताउँछन् । मध्यक्षेत्र प्रहरी तालिम केन्द्रका समादेशक रहेका बेलामा तत्कालीन प्रहरी उपरीक्षक हाल अवकाश प्राप्त डिआईजी ज्ञानेन्द्रविक्रम महतले मन्दिर निर्माण र सिँढी बनाउन ठूलो सहयोग गरेको समितिका पूर्वअध्यक्ष मानबहादुर सापकोटाले बताए । नारायणगढ बजारदेखि चार किलो मिटर टाढा रहेको मन्दिर समुन्द्र सतहदेखि ५६१ मिटरको पहाडी वनको चुचुरोमा रहेको छ । मन्दिर जान २ किलोमिटर उकालो हिँड्नुपर्छ । सिँढी बनाएर बाटो व्यवस्थित बनाए पनि उकालो चढ्न लगभग एक घण्टा लाग्छ । झण्डै ५०० वर्षअघि पाल्पाली राजा मणिमुकुन्द सेनले सैनिक टुकडी राखेर मौलो गाडेर सो ठाउँमा पूजा गरेको विश्वास छ । स्थानीयले विस २०३२ सालमा सामान्य मन्दिर बनाएर पुजा सुरू गरेका थिए । अहिले सो क्षेत्रमा भव्य मन्दिर र व्यवस्थित संरचनाहरु भएकाले धार्मिक पर्यटन विस्तार हुने सम्भावना प्रवल छ । क्याप्सन ः मौलाकालिका मन्दिरको अवलोकन गरी फर्कदै अर्थमन्त्री महत । - See more at: http://echitwanpost.com/chitwan/28058/09_24/#sthash.Gfz0qc9e.dpuf
नेपाली रुपैयाँ विनिमय
